Aksident i rëndë në vend, përplasen dy automjete! Humb jetën pasagjeri

Një aksident i rëndë ka ndodhur pasditen e sotme në aksin Bulqizë-Klos, ku për pasojë ka humbur jetën 1 person.

Dy automjete u përplasën në vendin e quajtur “Plani i Bardhë”, me drejtuesit shtetasit Xh.S., dhe S.C., ku si pasojë ka humburë jetën shtetasi H.Gj., pasagjer në makinën e drejtuar prej S.C.

Sakaq, u transportuan në spital dy shoferët S.C., dhe Xh.S., të cilët janë në kujdesin e mjekëve.

Njoftimi i policisë:

“Në aksin rrugor “Bulqizë-Klos”, në vendin e quajtur “Plani i Bardhë”, janë përfshirë në aksident rrugor dy automjete me drejtues shtetasit Xh. S., dhe S. C. Si pasojë, ka humbur jetën shtetasi H. GJ., pasagjer në automjetin që drejtohej nga shtetasit S. C. Gjithashtu janë transportuar për ndihmë mjekësore në spital, dy drejtuesit e automjeteve dhe dy pasagjerë, të cilat janë në kujdesin e mjekëve. Grupi hetimor po punon për zbardhjen e rrethanave dhe shkakut të aksidentit”