“Ishte shumë i fortë…”/ Tërmet me magnitudë 6.2 në jug të Italisë

Një lëkundje e fortë tërmeti është ndjerë në të gjithë jugun e Italisë në orët e vona të së hënës.

Mediat italiane shkruajnë se tërmeti, me magnitudë 6.2 u lokalizua nga Qendra Sizmike e INGV-së në Romë në zonën e Bregdetit Veriperëndimor të Kalabrisë (Kosenzë).

Lëkundjet u ndjenë në orën 00:12:35 me orën italiane, në një thellësi prej 250 kilometrash.

Epiqendra u lokalizua 41 kilometra në perëndim të Kosenzës. Sipas informacioneve të para, nuk janë regjistruar dëme në njerëz apo në pasuri. Intensiteti i tërmetit ishte i tillë që u ndje në të gjithë jugun e Italisë, deri në Palermo.

“Ishte shumë i fortë, madje edhe antena ra”, shkruan Giovanni nga Casalnuovo.

“Ishte një bum shumë i fortë, gjithçka u drodh”, shkruan Angela nga Arenella

“Le të shpresojmë të mos ketë ndodhur asgjë në zonat më afër tërmetit”, shkruan Giuseppe, i shqetësuar për efektet e magnitudës rekord që ka trembur napolitanët.