Ngjarje e rëndë në Tiranë, është rrë mbyer dhe zh dukur një djalë i ri

Tiranë, zhvillime në rastin e 34-vjeçarit të zhdukur, identifikohet dhe shpallet në kërkim një 41-vjeçar

Vijojnë hetimet intensive për gjetjen e shtetasit E. K., 34 vjeç, i cili u denoncua si i humbur nga familjarët më 5 qershor 2026. Si rezultat i veprimeve hetimore dhe operacionale të kryera nga specialistët e Sektorit për Hetimin e Krimeve të Rënda ndaj Jetës dhe Pronës, nën drejtimin e Prokurorisë, është bërë i mundur identifikimi i një 41-vjeçari, i dyshuar për përfshirje në këtë ngjarje.

Sipas Policisë, është identifikuar dhe është shpallur në kërkim shtetasi A. Sh., 41 vjeç, i cili dyshohet se ka mbajtur peng 34-vjeçarin.

Nga hetimet e deritanishme është bërë e mundur gjetja e motomjetit të shtetasit E. K., si dhe identifikimi dhe kontrolli i ambientit ku ai rezulton të ketë hyrë. Sipas të dhënave hetimore, nga ky ambient më pas ka dalë autori i dyshuar, i cili dyshohet se mund ta ketë marrë me vete 34-vjeçarin duke e transportuar me automjet.

Policia ka ushtruar kontrolle të imtësishme në ambientin ku dyshohet se mbahej 34-vjeçari, si dhe në shumë ambiente të tjera dhe zona të ndryshme, por deri në këtë fazë nuk është bërë ende e mundur gjetja e tij.

Hetimet kanë zbuluar gjithashtu se autori i dyshuar ka lëvizur motomjetin e 34-vjeçarit nga vendi ku ishte parkuar fillimisht.

Ndërkohë, automjeti me të cilin dyshohet se është transportuar E. K. është gjetur dhe sekuestruar në cilësinë e provës materiale.

Në kuadër të të njëjtit hetim, është arrestuar në flagrancë edhe shtetasi E. Z., 25 vjeç, i dyshuar për veprën penale “Përkrahja e autorit të krimit”, pasi dyshohet se ka ndihmuar 41-vjeçarin në këtë rast.

Shërbimet e Policisë vijojnë intensivisht kërkimet për gjetjen e shtetasit E. K., ndërsa po punohet edhe për lokalizimin dhe kapjen e shtetasit A. Sh., i shpallur në kërkim.

Autoritetet bëjnë me dije se, për shkak se hetimet janë ende në zhvillim dhe për të mos cenuar ecurinë e tyre, në këtë fazë nuk mund të publikohen të gjitha rezultatet e grumbulluara deri tani.

Policia ka njoftuar se informacion më i plotë do të bëhet publik në vijim, në varësi të ecurisë së hetimeve.