Një burrë vrau të dashurën e tij adoleshente duke e shtypur me një kamion kundër një shtylle ndriçimi, pasi ajo kishte vizituar foshnjën e saj në spital.
Sipas prokurorisë, Mohammed Azim dhe Lily Whitehouse ishin grindur gjatë një daljeje natën për të festuar ditëlindjen e tij të 41-të, u tha jurisë.
Shoferi i një kamioni rimorkiues, Mohammed Azim, dyshohet se e shtypi 19-vjeçaren kundër një shtylle ndriçimi me automjetin e tij tip “Mercedes Sprinter”, duke i shkaktuar plagë fatale. Gjykata e Kurorës në Wolverhampton të Britanisë, dëgjoi se çifti kishte qenë në një lidhje me ndërprerje që nga viti 2023.
Natën e festës vitin e kaluar, Azim e kishte marrë Lily-n nga spitali, ku ajo kishte shkuar për të vizituar foshnjën e saj. Anëtarët e jurisë dëgjuan se foshnja, babai i së cilës nuk ishte Azim, kishte qenë e shtruar në njësinë e kujdesit intensiv neonatal që nga lindja e saj në shtator 2025.
Comments are closed.