Një ngjarje e rëndë dhe tragjike është shënuar këtë të mërkurë në fshatin Delloc të Suharekës, ku një person ka humbur jetën pasi është goditur nga rrufeja.
Sipas informacioneve të para, viktima ndodhej në një zonë të hapur në momentin kur moti u përkeqësua dhe u godit nga shkarkesa elektrike fatale.
Rasti është konfirmuar për Klankosova.tv nga komandanti i Policisë në Suharekë, Safet Hoxha, i cili bëri të ditur se ekipet e emergjencës dhe policisë kanë ndërhyrë menjëherë pas marrjes së njoftimit.
Ai theksoi se tërheqja e trupit të pajetë ka qenë mjaft e vështirë për shkak të terrenit dhe kushteve në zonë.
Aktualisht, trupi i viktimës është transportuar në Qendrën e Mjekësisë Familjare në Mushtisht, ku po kryhen procedurat e nevojshme. Autoritetet pritet të japin më shumë detaje lidhur me rrethanat e plota të kësaj ngjarjeje të rëndë.