Pas incidenteve të regjistruara gjatë protestës së djeshme në Tiranë, 19 protestues u arrestuan nga policia dhe do të qëndrojnë në qeli deri sa të njihen me masën e sigurisë që do të caktojë Gjykata e Tiranës.
Bëhet me dije se mes të arrestuarve është edhe Admir Tërshalla, një programues, i cili këtë të premte kishte planifikuar të zhvillonte ceremoninë e martesës.
Arrestimi i ka prishur të riut një nga momentet më të rëndësishme të jetës së tij personale, raporton JOQ Albania.
Mbetet për t’u parë se si do të vendosë Gjykata e Tiranës për masat e sigurisë ndaj të ndaluarve të protestës së djeshme.
Kujtojmë se Policia e Tiranës njoftoi se ka arrestuar 19 persona pas incidenteve të regjistruara gjatë protestës së djeshme në hyrje të Parlamentit, ku pati përplasje mes protestuesve dhe efektivëve të policisë.
