Përplasja familjare për hotelin me 26 dhoma ka degraduar në akuza të rënda në “Shihemi në Gjyq”, ku nëna, Evjenia, i ka bërë të qartë djalit të saj, Dritanit, se nuk ka për të marrë asnjë pronë.
Ajo e ka akuzuar publikisht të birin se e ka ofenduar rëndë dhe se ka qëlluar të atin me gurë, duke ia prerë shpresat për trashëgimi si atij, ashtu edhe të motrës.
Evjenia: Dëgjo more djalë, ti pronë as ke marrë dhe as ke për të marrë! E dyta: ti të marrësh dhomat e tua që të takojnë, por do të të bëj unë shkallën mënjanë që të kalosh me ashensor. E treta: ty nuk të takon pronë nga mamaja, sepse i ke thënë mamasë kur*ë. Babain e ke qëlluar me gurë. Nusen e ke dërguar në spital dhe nuk më ka sjellë një pako biskotash. Nuk më ke dërguar as 50 euro në spital, që të haja. Kështu që ti pronë nuk ke për të marrë dhe ta mbledhësh mendjen ta bësh top. As ti e as motra jote. Sepse ti me motrën tënde u bëre lugat, që kur more gruan, sepse e ke marrë gruan të pronave, të lekëve dhe të bizneseve.
Eni Çobani: Evjeni të lutem!
Dritani: Mamaja ime thotë shumë gjëra, por për mua flet një qytet i tërë se si jam unë. I mirë apo i keq, unë do të marr pjesën time. Unë me ortakët e mi nuk kam konflikte. Unë prindërve të mi nuk iu kërkoj pronë me dhunë. Nuk mund ta merrja pronën me dhunë.
/tvklan.al
