Ka rënë në prangat e policisë mbrëmjen e djeshme zëvendës drejtori i Agjencisë Shtetërore të Kadastrës Dibër, i cili më herët ka mbajtur edhe postin e drejtorit, Daniel Gjura.
Kujtojmë se Gjura ishte i shpallur në kërkim nga blutë pasi ndaj tij ishte caktuar masa e sigurisë “arrest në burg”, për veprat penale “Mashtrimi” dhe “Falsifikimi i dokumenteve”, kryer në bashkëpunim. Sipas hetimeve, dyshohet se ai edhe 14 zyrtarë të tjerë kanë falsifikuar dokumente kadastrale për të tjetërsuar në mënyrë të paligjshme pasuri të paluajtshme në favor të të Teshar Doçit dhe familjarëve të tij.
Ai po ashtu ka qenë ish-kandidat për deputet i Partisë Socialiste në zgjedhjet parlamentare të 2025-ës.
