Ka nisur zyrtarisht zbatimi i Amnistisë Penale për mbi 1300 të dënuar në të gjithë Shqipërinë! Teksa 541 të burgosur po lënë qelitë pikërisht sot, vëmendjen e ka marrë deklarata e pabesueshme e një prej të liruarve.
Ai ka habitur gazetarët duke thënë se nuk e ka mendjen te liria, por te qelia. “Mund të rikthehem prapë, i mora sendet personale që t’i kem,” tha ai, duke treguar se rikthimi në burg është një opsion plotësisht i mundshëm për të. Lirimi masiv ka nisur zyrtarisht pas dekretimit të ligjit nga Presidenti dhe pritet të përfundojë brenda ditës.
