Një muaj pas shkrirjes së Bordit të Transparencës, çmimet e karburanteve në tregun vendas kanë pësuar një rritje të ndjeshme.
Aktualisht, nafta tregtohet deri në 198 lekë për litër, ndërsa benzina ka arritur në 189 lekë për litër, duke pasqyruar ndikimin e lëvizjeve të fundit në tregjet ndërkombëtare të energjisë.
Rritja e çmimeve vjen në një periudhë kur tregu operon pa mekanizmin e përcaktimit të çmimeve nga Bordi i Transparencës, çka u jep kompanive mundësinë t’i vendosin ato në bazë të kostove të furnizimit dhe kushteve të tregut.
Për konsumatorët, kjo situatë nënkupton një kosto më të lartë për furnizimin me karburant të automjeteve, si dhe mundësinë e efekteve zinxhir në sektorin e transportit, në shërbime dhe në çmimet e mallrave të konsumit. gazeta shqiptare
