Një tjetër valë e të nxehtit afrikan pritet të godasë Ballkanin dhe vendin tonë.
Sipas parashikimeve të sinoptikanëve prej ditës së martë temperaturat do të pësojnë rrije me disa gradë si në vlerat minimale dhe ato maksimale.
Meteorologët parashikojnë se Shqipëria e mesme do të regjistrojë temperaturta më të larta.
Muaj gusht sipas meterologëve pritët të jetë i nxehtë dhe i thatë, dhe priten disa valë të të nxehtit me temperatura 40 gardë Celsius.
Ndërkohë në Europë, Hungaria u detyrua të mbyllte pjesën më të madhe të centralit të saj të vetëm bërthamor, i cili gjeneron një pjesë të madhe të furnizimit me energji të vendit, për herë të parë në 44 vjet, pasi tharja e Danubit e bëri të pamundur ftohjen në mënyrë të sigurt. Centrali bërthamor pritet të fiket plotësisht më vonë këtë javë, pasi nivelet e ujit në lumin Danub parashikohet të bien më tej.
Të hënën, shumë ekrane dixhitale reklamash do të fiken për të kursyer energji, si pjesë e një shtytjeje më të gjerë për të kërkuar kursime kudo që të jetë e mundur.
Kryeministri hungarez Péter Magyar paralajmëroi të hënën se “pesë ditët më të vështira janë përpara”.
Rumania dhe Serbia raportuan gjithashtu nivelet më të ulëta të ujit ndonjëherë, duke shkaktuar probleme me prodhimin e energjisë hidroelektrike.
Budapesi dhe Vjena do të shohin temperatura deri në 37 gradë Celsius sot, me Zagrebin në 36 gradë Celsius, Tiranën në 35 gradë Celsius dhe Bukureshtin në 33 gradë Celsius, dhe këto temperatura pritet të zgjasin deri në pesë ditë.
Por kjo nuk do të thotë domosdoshmërisht se do të jetë shumë më freskët në perëndim, me 36 gradë Celsius në Romë dhe 34 gradë Celsius në Paris.