Një ngjarje tragjike ka ndodhur pasditen e kësaj të shtune në fshatin Rrëmenj të Pogradecit, ku një 20-vjeçar i ka dhënë fund jetës së tij duke u vetëvarur.
Ai është gjetur nga banorët e zonës i pajetë në një kodër pranë fshatit. Sipas informacioneve paraprake, trupi i të riut me inicialet G. D., është gjetur pa shenja jete dhe pa shenja dhune nga banorët e zonës, të cilët kanë njoftuar menjëherë familjarët dhe autoritetet.
Nuk dihen arsyet që e kanë shtyrë të riun drejt këtij akti ekstrem. Hetimet pritet të zbardhin më shumë detaje rreth ngjarjes.
Njoftimi i Policisë:
Pogradec/Informacion paraprak
Rreth orës 14:40 në fshatin Rrëmenj, është gjetur nga banorët e zonës, pa shenja jete dhe pa shenja dhune në një zonë kodrinore, shtetasi G. D., 20 vjeç, i cili dyshohet se është vetëvarur.
Grupi hetimor nën drejtimin e Prokurorisë po punon për sqarimin e rrethanave të rastit.