Një prej vatrave më të rrezikshme të zjarrit ka qenë në Pukë, aq sa banorët prej ditësh e kanë krahasuar situatën me një “front lufte”, për shkak të përmasave të flakëve, terrenit të vështirë dhe rrezikut të vazhdueshëm që zjarri të përhapej drejt banesave dhe zonave të banuara.
Por, fatmirësisht pas ditësh të tëra përpjekjesh intensive nga zjarrfikësit, Forcat e Armatosura, Forcat Ajrore, banorët dhe të gjithë strukturat e angazhuara në terren, vatra e zjarrit në Gojan-Gjegjan duket se është neutralizuar.
“Besoj se shpëtuam”, është ndjesia që përcillet tashmë nga banorët, pas ditëve të vështira gjatë të cilave flakët rrezikuan banesat dhe pronat e tyre. Një prej tyre, Daniel Pereda, banesa e të cilit ndodhej mes dy vatrave të zjarrit, ka zgjedhur të shprehë publikisht mirënjohjen për të gjithë ata që u angazhuan në luftën me flakët, duke falënderuar një për një strukturat, forcat dhe njerëzit që kontribuuan në shuarjen dhe mbajtjen nën kontroll të zjarrit.
Në krye të falënderimeve të tij ai ka veçuar Forcat Ajrore dhe në mënyrë të posaçme nënkolonel Klajdi Tushe, një prej pilotëve që prej ditësh ka qenë në vijën e parë të ndërhyrjes nga ajri, duke kryer me saktësi dhe profesionalizëm hedhjet e ujit mbi vatrat më të rrezikshme. Tushe, një profesionist me përvojë, i cili i ka kushtuar jetën qiellit dhe uniformës, ka qenë një prej personave i cili ka “luftuar” dhe është përpjekur për të frenuar flakët, ndërsa për banorët e zonës, siç e përshkruan edhe Pereda, ndërhyrja e tij nga ajri ishte vendimtare në momentet kur dukej se beteja me zjarrin po humbiste.
“Besoj se shpëtuam”, zjarri rrethoi banesat në Pukë,
Çfare ka lene zjarri pas
Mirënjohja e banorit shkon më pas për zjarrfikësit e Pukës, të cilët kanë qenë në terren që prej ditës së parë, duke luftuar pa ndërprerje me një zjarr jashtëzakonisht të vështirë dhe duke përballuar temperatura të larta, terren të thyer dhe kushte të vështira pune, ndërsa në ndihmë të tyre kanë mbërritur edhe zjarrfikës nga Fushë-Arrëzi, Kukësi, Shkodra, Hasi dhe Kamza, të cilët iu bashkuan përpjekjeve për të frenuar përhapjen e flakëve dhe për të mbrojtur banesat e zonës.
“Falenderime per Forcat e Armatosura qe me profesionalizem vepronin aty ku banoret terhiqeshin e vazhdojne te jene prane nesh duke shuar e monitoruar cdo vater. Faleminderit Gazetareve qe me lajmet e tyre ne kohe reale vendosen ne levizje shume hallka te sistemit. Nuk di kush ishte Drejtuesi i Opercaionit por di qe ka kryer nje koordinim dhe menaxhim perfekt e besoj se eshte nder operacionet me te suksesshme te ketij lloj ne Shqiperi”, shkruan ai ndër të tjera.
Ndërkohë që vlen të theksohet se përtej luftës me flakët, ditët e vështira në Gojan-Gjegjan kanë nxjerrë në pah edhe solidaritetin e banorëve, të cilët janë bashkuar me forcat që kanë qenë në terren, duke punuar ditë e natë për të mbrojtur njëri-tjetrin, banesat dhe pronat e tyre
Reagimi i plotë:
Besoj se shpetuam!
Mirenjohje per cdo person qe u be pjese ne cdo lloj forme per shuarjen e zjarrit ne Gojan-Gjegjan.
Falenderim i vecante per Forcat Ajrore, ne cdo moment kritik qe mendonim se e humbem betejen me zjarrin shfaqejKlajdi Tushe me nje precizion te larte ne hedhjen e cdo pike uji ne vatren e zjarrit.
Faleminderit Zjarrfikesve te Pukes qe jane ne terren qe nga dita e pare duke luftuar pa u ndalur me nje zjarre jashtezakonisht te veshtire.
Faleminderit Zjarrfikesve te Fushe Arres te Kukesit,Shkodres,Hasit,Kamzes qe erdhen ne ndihme.
Falenderime per Forcat e Armatosura qe me profesionalizem vepronin aty ku banoret terhiqeshin e vazhdojne te jene prane nesh duke shuar e monitoruar cdo vater.
Faleminderit Gazetareve qe me lajmet e tyre ne kohe reale vendosen ne levizje shume hallka te sistemit.
Nuk di kush ishte Drejtuesi i Opercaionit por di qe ka kryer nje koordinim dhe menaxhim perfekt e besoj se eshte nder operacionet me te suksesshme te ketij lloj ne Shqiperi!
Ne keto momente te veshtira ne banoret treguam solidaritet me njeri-tjetrin,punuam dite e nate,gjithashtu morem nje mesim te mire,ku te gjithe bashke bejme pune te medha.
Keto jane fjale zemre nga une si nje banor i thjeshte qe shtepin e kisha ne mes te dy vatrave.
