Vr*tet me th*kë 14-vjeçari në Kosovë, vihet në pranga autori

Një 14-vjeçar është goditur për vdekje me thikë mbrëmjen e së enjtes në Prizren. Autor i dyshuar është një 17-vjeçar, i cili është arrestuar.

I mituri u dërgua në spital menjëherë, por nuk mundi të mbijetojë.

“Bazuar në të dhënat fillestare të hetimit, i mituri 17 vjeçar, dyshohet se ka privuar nga jeta të miturin 14 vjeçar, duke therur me thikë, i cili është hasur në vendin e ngjarjes dhe nga i njëjti është sekuestruar një thikë e cila dyshohet se është përdorur për ta kryer veprën penale”, thuhet në njoftim.

Ndaj autorit rëndojnë veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.

Rrethanat e ngjarjes së rëndë nuk bëhen me dije ende.