Ashtu siç u paralajmërua më parë, kryeministri Edi Rama ka mbërritur në Shtetet e Bashkuara të Amerikës, në kuadër të javës së Kombeve të Bashkuara.
Lajmin e ka dhënë vetë Rama në një postim në Facebook, ku shkruan se do të marrë pjesë në një takim sot pasdite me shqiptarët në Michigan. Kryeministri ka ftuar shqiptarët që t’i bashkohen takimit të tij.
“Këtë herë vizita e javës së Kombeve të Bashkuara në Amerikë, nis sot pasdite me shqiptarët dhe për shqiptarët, në Michigan, ku kam nderin të jem i ftuar nga komuniteti e ku ftoj këdo që dëshiron të vijë të na bashkohet”, shkruan kryeministri.
Ky është udhëtimi i dytë i kryeministrit Edi Rama në drejtim të Amerikës, pasi pas mbledhjes së Bordit të Paqes që u mbajt në shkurt, kryeministri do të takohet për të dytën herë brenda vitit me Trump dhe liderët botërorë.
Burime për mediat bëjnë me dije se kryeministri i vendit do të marrë pjesë në Asamblenë e Përgjithshme të Kombeve të Bashkuara në Neë York, takim i cili do të nisë më 22 dhe mbyllet më 28 shtator.
Comments are closed.