Pak ditë më parë avokati Alban Duraj u shpreh se Bleona Mata ndodhet në një prej vendeve të Bashkimit Europian, duke shtuar se ajo është studente ekselente dhe është birësuar nga një çift grek. Mirëpo deklaratat e Durajt kanë nxitur irritimin e familjes Mata të cilët prej vitesh vuajnë dhimbjen e mungesës së vajzës së tyre dhe deklarata e bërë së fundmi u ka hapur një tjetër plagë.
Në një lidhje të drejtpërdrejtë me emisionin “Ftesë në 5”, nëna e Bleonës është shprehur e shokuar duke theksuar se po përballet me padrejtësi nga deklarata e bëra nga Duraj, të cilat asaj i kanë lënë një shije të hidhur, si helm.
“Jam shokuar nga një avokat, Alban Duraj, që ka folur në emrin ë një nëne, që kam kontaktuar me nënë e Bleonës, që Bleona është studente ekselente. Jam një nënë që përballem me padrejtësisë, unë jam vetëm me të vërtetën. Me këtë njeri nuk kam patur asnjë telefonatë, asgjë. Avokati të bëjë një punë të palodhur, të pastër dhe të vërtetë. Jo të lëndosh, po më helmojnë çdo ditë. Si është e mundur të flasë në emrin e një nëne”, tha zonja Bukurie.
Njëkohësisht, në lidhje telefonike për “Ftesë në 5” ishte dhe avokati Duraj, i cili i është përgjigjur Bukuriie Matës duke i thënë i bindur se ai ka thënë pikërisht informacionet që vetë kjo e fundit ia ka bërë me dije.
“E kam të regjistruar, kemi qenë të ftuar në një emision në RTSH, kam qenë i ftuar si ekspert. Unë nuk jam prezantuar asnjëherë si avokati i zonjës. Por kjo nxiti reagimin e zonjës Bukurie dhe përfaqësuesit të saj. Gjithmonë i kam korrigjuar kur më kanë prezantuar si avokat i familjes. Unë kam qenë i ftuar dhe kur kam patur mundësi, e shikoj si detyrim moral, jo vetëm si avokat, jap mendimin tim. Është hedhur shumë baltë për mua. Së dyti , zonja Bukurie dje ka deklaruar se nuk më njeh. Unë i kam nisur linkun koordinatores suaj për emisionin. Kemi diskutuar gjatë emisionit, në publicitet dhe pasi ka përfunduar emisioni. Kam ofruar kontributin tim. Zonja Bukurie më ka falënderuar”, shprehet Duraj.
Edhe se avokati u përpoq që të nxirrte në pah prova që sipas ti tregojnë se ai dhe nëna e Bleona Matës kanë pasur komunikimin për çështjen në fjalë, Bukurie Mata ka mohuar kontaktin me këtë të fundit, ndërsa e ka paralajmëruar se do e denoncojë.
“Nuk kam komunikuar me ty. Pranoje, pastro ndërgjegjen, nuk ke komunikuar me mua përmes Flori Gjinit, do të ndjek penalisht. Je i pandërgjegjshëm”, tha Zonja Bukurie.
Po ashtu raportohet se ndryshe nga seç bëri me dije avokati i nënës së Bleonës, Idajet Beqiri, i cili u shpreh se çështja e zhdukjes së 6-vjeçares e cila sot është 22 vjeç, ka qenë e regjistruar në SPAK, institucioni ka theksuar se në Prokurorinë e Posaçme nuk rezulton të ketë çështje të regjistruar për Bleona Matën.
“Përshëndetje Denisa. Së pari uroj të jeni mirë! Në përgjigje të kërkesës suaj, e protokolluar m 19.03.2026, ju informojmë si vijon:Pas verifikimeve të kryera, në Prokurorinë e Posaçme nuk rezulton të ketë çështje të regjistruar për Bleona Matën. Gjithë të mirat”, shkruhet në email-in e dërguar nga SPAK për “Top Channel”.
Comments are closed.