Kompozitori është shprehur se sapo të mbërrijë në Tiranë, do të paraqitet vetë në ambientet e Policisë, për t’u pyetur në lidhje me detajet e videoskandaleve që janë publikuar
TIRANË- Drejtoria Vendore e Policisë Tiranë pritet të marrë në pyetje këtë të enjte, kompozitorin Adrian Hila, në lidhje me videot intime që u shpërndanë një ditë më parë në rrjetet sociale.
Në kuadër të veprimeve të Policisë, efektivët kanë shkuar edhe në banesën e kompozitorit për ta kontaktuar dhe marrë në pyetje, por nuk e kanë gjetur aty.
Burime bëjnë me dije se Policia ka mundur të kontaktojë në telefon me kompozitorin i cili është shprehur se është shumë i shokuar dhe do të paraqitet në polici sapo të mbërrijë në Tiranë.
Marrja në pyetje e Hilës lidhet me videot me përmbajtje intime që kanë qarkulluar në rrjetet sociale gjatë ditës së djeshme.
Një ditë më parë, Krimi Kibernetik kreu verifikime në lidhje me përmbajtjen dhe burimin e materialeve të shpërndara në rrjet.Po ashtu do të duhet të verifikohet roli që ka pasur vetë kompozitori, fillimisht në regjistrimin e këtyre videove, dhe më pas në publikimin e tyre prej afro dy vitesh në një video për të rritur, me bazë në SHBA.
Comments are closed.