Të tjera audiopërgjime janë publikuar nga ish zv kryeministri Arben Ahmetaj, të cilat i atribuohen Ron Yeffet, ku në qendër të një prej bisedave është aktiviteti i armëve në Afrikë dhe mundësia e ngritjes së një biznesi atje.
Në bisedën e publikuar në emisionin “Çim Peka LIVE” në SYRI TV, Yeffet diskuton me bashkëbiseduesen e tij, Tatiana, për mundësinë e blerjes dhe shitjes së armëve, dhe për hapjen e një fabrike në Afrikë. Ai thotë se kjo do të ishte një mënyrë për të zgjeruar aktivitetin dhe për të pasur persona që do të merreshin me drejtimin e bizneseve.
Sipas audiopërgjimit, gjatë bisedës përmendet edhe Sudani dhe vështirësitë që lidhen me funksionimin e aktivitetit atje, veçanërisht sa i përket paketimit dhe shitjes me pakicë.
Yeffet përmend edhe Arjeta Pucën, duke deklaruar se ajo dhe persona të tjerë po punojnë me të në Afrikë.
‘Pra, udhëto me mua atje, eja me mua. Unë sa u ktheva nga atje, Arjeta dhe njerëz të tjerë po punojnë me mua atje’, dëgjohet të thotë Yeffet.
BISEDA:
Ron Yeffet: Ne mundemi, mund t’i blejmë dhe t’i shesim këto, por paralelisht me këto mendoj se do të ishte shumë e mençur që të hapnim një fabrikë atje.
Ron Yeffet: Dhe mund të kemi dikë që t’i drejtojë këto biznese sepse …
Tatiana: Pra, meqenëse ata nuk kanë punuar kurrë në Afrikë, si mendoni të veproni në këto raste referuara në dimensionin e shitjes me pakicë në Sudan, për të parë se si funksionon, si është dhe pas kësaj, për shkak se paketimi është i vështirë të bëhet.
Ron Yeffet: Më duhet ndihma e tyre në drejtimin e këtyre bizneseve sepse, ti më kupton …
Tatiana: Po, sigurisht, por për këtë më duhet një leje (konfirmim), e di, mendoj se për të punuar duhet një leje, konfirmim.
Ron Yeffet: Pra, udhëto me mua atje, eja me mua. Unë sa u ktheva nga atje, Arjeta dhe njerëz të tjerë po punojnë me mua atje. Udhëto me mua për të parë, për të parë, ti duhet të më kuptosh që të jem … Do të jap të gjitha marrëdhëniet, lidhjet dhe gjithçka, dhe ti do ta ndjekësh nga ai moment. Nuk kam kohë ta ndjek dhe të bëj … panorama
Comments are closed.