Një aksident i rëndë ajror ka ndodhur këtë të diel pranë qytetit të Gundelsheim, në Gjermaninë jugperëndimore, ku një avion i vogël është rrëzuar, i cili u ka marrë jetën dy personave. Policia ka konfirmuar se të dy viktimat ndodheshin në bord në momentin e aksidentit.
Sipas mediave të huaja, pas rrëzimit avioni ka marrë flakë, ndërsa zjarri është vënë nën kontroll nga ekipet e emergjencës që mbërritën në vendngjarje. Aksidenti ndodhi pak para mesditës, pranë Gundelsheim, në rrethin Heilbronn, në landin Baden-Wurttemberg.
Mësohet se avioni ultra i lehtë po i afrohej një piste të vogël ajrore në Gundelsheim, ku për arsye ende të paqarta, ka dalë jashtë kontrollit.
Fillimisht, ai është përplasur me një gardh, më pas ka goditur një pemë dhe në fund është rrëzuar në një vresht.
Comments are closed.