Data 10 tetor konsiderohet e veçantë për ata që besojnë në numerologji dhe simbolikën e numrave.
E njohur si “Portali 10/10”, kjo datë lidhet me idenë e fillimeve të reja, ndryshimeve pozitive dhe përqendrimit te dëshirat që një person dëshiron të realizojë.
Sipas numerologjisë, numri 1 përfaqëson fillimet e reja, guximin dhe mundësitë, ndërsa numri 0 besohet se forcon energjinë e numrit që e shoqëron. Për këtë arsye, kombinimi 10/10 interpretohet si një moment simbolik për të lënë pas atë që nuk ju shërben më dhe për të vendosur qëllime të reja.
Një nga praktikat më të përhapura për këtë datë është të shkruani dhjetë herë në një letër një dëshirë ose një qëllim që dëshironi të realizoni. Besohet se përsëritja e tij në këtë ditë ndihmon për ta përqendruar më shumë vëmendjen dhe energjinë te ajo që dëshironi të arrini.
Një tjetër moment që konsiderohet domethënës është ora 10:10, e cila në numerologji lidhet me mundësi të reja, besim te vetja dhe një fazë të re.
Për ata që i kushtojnë rëndësi këtyre bestytnive, 10 tetori shihet si një ditë e mirë për të shkruar dëshirat, për të vendosur synime dhe për të nisur diçka të re.
Comments are closed.