Një aksident me pasoja të shumta është regjistruar pasditen e kësaj të premteje në Kosovë, ku katër automjete janë përplasur në aksin Gjilan-Prishtinë.
Si pasojë, 11 persona kanë mbetur të plagosur dhe janë dërguar për trajtim mjekësor.
Përplasja ka ndodhur rreth orës 18:00 dhe sipas zëdhënësit të policisë për rajonin e Gjilanit, Valon Osmani, thënë për mediet vendase se të dëmtuarit janë transportuar në Qendrën Emergjente të Spitalit të Përgjithshëm të Gjilanit.
Ndërkaq, policia gjendet ende në vendngjarje ku po punohet për të zbardhur rrethanat e aksidentit dhe për të përcaktuar se çfarë e shkaktori përplasjen e katër automjeteve.
Comments are closed.