Basir Çollaku pretendon se dy pajisje akustike me fuqi të lartë kanë mbërritur në aeroportin e Rinasit, duke ngritur shqetësimin për përdorimin e mundshëm të saj gjatë protestave në Shqipëri. Ndryshe nga sa u raportuar nga opozita që bëhej fjalë për autobote uji, gazetari pretendon të kundërtën.
Në një postim në rrjetet sociale, ai shkruan se bëhet fjalë për një pajisje të njohur si “top akustik”, e cila mund të lëshojë tinguj me intensitet të lartë dhe të transmetojë mesazhe në distanca të mëdha.
Sipas gazetarit, pajisja është përdorur edhe gjatë protestave në Beograd. Ai u bën thirrje protestuesve të marrin masa për mbrojtjen e dëgjimit, duke u sugjeruar përdorimin e tapave për veshët dhe kufjeve që bllokojnë zhurmat.
“Mbërritën në Rinas
LRAD quhen
Long Range Acoustic Device,
Top zëri ose Top akustik
Protestues, ju lutem pajisuni me tapa për veshët nëpër farmaci! Tapa te mira për fuqi të lartë. Kufje me bllokues zhurme!
Po sjellin pajisjen izraelite që godet me radiofrekuence! E përdorur dhe në protestat në Beograd.
Ndonëse ndalohet të gjitha dokumentet ndërkombëtare dhe europiane
Sepse
klasifikohet te ” përdorimi i torturës”
Deri në 3 kilometër janë me efekt..”, shkruan Çollaku.
