Personi që shikoni në foto është Gazmir Fiku, 33 vjeç nga Bulqiza. Pak më parë ai u arrestua bashkë me nënën e tij 57 vjeçare Sadete Fiku pasi shihen që të dy nga policia si bashkëpunëtorë të vrasjes së Urim Fikut.
Gazmir Fiki, supervizor i OSHEEE, përmbi një dekadë në këtë institucion, sipas policisë së Dibrës, është zhytur në vrasjen e të atit.
“Gazmir Fiku, djali i të ndjerit Urim Fiku dhe Sadete Fiki, gruaja e viktimës, u ndaluan pasi fyshohet se, në bashkëpunim me njëri-tjetrin, kanë vrarë me armë zjarri dhe mjete të forta prerëse 61 vjeçarin”, tha policia lokale.
Ajo tha se në këtë mënyrë është zbardhur ngjarja e ndodhur në fshatin Godvi, Bulqizë, ku fillimisht u raportua se Fiku kishte humbur jetën pas sulmit nga një kafshë e egër.
Por nuk është e gjitha kjo. Duket se burri 61 vjeçar është masakruar sepse siç thotë policia, bashkëshortja dhe djali i tij, janë përgjegjëse për vrasjen e Urimit jo vetëm me armë zjarri por dhe mjete të forta prerëse.
Në njoftimin zyrtar thuhet se sot nga Sektori për Hetimin e Krimeve të Rënda në DVP Dibër, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Dibër, pas një hetimi intensiv, u bë i mundur dokumentimi i ngjarjes së ndodhur dje në fshatin Godvi, Bulqizë.
Fillimisht, familjarët e shtetasit Urim Fiku raportuan se Urimi kishte humbur jetën si pasojë e sulmit nga një kafshë e egër (ari), por nga hetimet e kryera dhe ekzaminimet mjekoligjore rezultoi se ky shtetas ishte vrarë me armë zjarri.
Në vijim të veprimeve hetimore, u bë ndalimi i nënë e bir, të dy banues në fshatin Godvi (përkatësisht bashkëshortja dhe djali i shtetasit U. F.).
Në cilësinë e provës materiale u sekuestruan një armë zjarri pistoletë, model 54, me fishekë, si dhe një gëzhojë pistolete, e gjetur në oborrin e banesës.
Materialet procedurale iu referuan Prokurorisë Dibër për veprat penale “Vrasja për shkak të marrëdhënieve familjare” dhe “Mbajtja pa leje e armëve dhe municioneve”, kryer në bashkëpunim. NOA.AL
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Kush është supervizori i OSHEE që akuzohet se vrau të atin ish-minator të Bulqizës dhe tha se e sulmoi ariu
