Një autobus ndërqytetas që po transportonte fëmijë dhe adoleshentë për në shkollë doli nga rruga dhe përfundoi në një kanal pranë qytetit Lent, në Francën lindore. Aksidenti ndodhi mëngjesin e kësaj të premteje.
Sipas autoriteteve franceze, njëri nga viktimat është i mitur. Tre prej të plagosurve ndodhen në gjendje të rëndë. Autobusi mbante 43 pasagjerë, përfshirë 15 të mitur, thanë prokurorët.
Më shumë se 100 zjarrfikës dhe helikopterë ndodhen në vendngjarje. Ministri i Transportit, Philippe Tabarot, deklaroi se po shknte drejt vendit të ngjarjes, ndërsa ministri i Arsimit Kombëtar, Edouard Geffray tha se ishte i tronditur nga aksidenti.
“Të gjitha mendimet e mia janë me viktimat dhe familjet e tyre. Po mendoj gjithashtu për shokët e klasës dhe mësuesit e nxënësve që ishin në bord. Në emër të të gjithë komunitetit arsimor, u ofroj atyre mbështetjen time gjatë kësaj kohe të vështirë”, shkroi ministri.Francë, autobusi i shkollës del nga rruga dhe përfundon në kanal, shënohen viktima dhe të plagosur
