Këngëtarja e njohur Eli Fara ka tërhequr vëmendjen në rrjetet sociale pas një reagimi ndaj një ndjekësi, i cili i kishte bërë një koment lidhur me raportin e saj me kompozitorin Adi Hila.
Gjithçka nisi pasi artistja publikoi në Instagram një video promovuese të emisionit të ri të Manjola Nallbanit, të titulluar “Miqësia”, ku ajo do të jetë e ftuar së bashku me këngëtaren Aurela Gaçe.
Në mesin e komenteve pozitive për tri këngëtaret, një ndjekës zgjodhi të komentonte për çështjen që ka përfshirë së fundmi emrat e Eli Farës dhe Adi Hilës.
Sabiani bëhet për ujë të ftohtë pasi zbulon se Keisi Medini është “shtatzënë”
“Besoj kjo është xhiruar para se të dilnin videot me Adin, se Manjola ka shoqe gruan e Adit, se besoj që ia respekton kaq shumë dhe dashnoren”, shkroi komentuesi, duke iu referuar materialeve intime që janë përfolur në rrjetet sociale.
Komenti përmbante një pretendim për jetën private të këngëtares, por ajo që tërhoqi vëmendjen ishte mënyra se si Eli Fara vendosi t’i përgjigjej.
Në vend që të replikonte me fjalë apo të jepte shpjegime, artistja iu përgjigj komentit vetëm me një emoji me duar të bashkuara në lutje (🙏).
Ky reagim nuk sqaron nëse këngëtarja po e kundërshtonte komentin apo po zgjidhte thjesht të mos përfshihej në debat.
Në të njëjtin publikim, një tjetër ndjekës i kërkoi Eli Farës të rikthehej në skenën e festivalit “Kënga Magjike”, duke vlerësuar zërin e saj.
Edhe këtij komenti këngëtarja iu përgjigj me të njëjtin emoji, pa shtuar ndonjë shpjegim.
Deri më tani, Eli Fara nuk ka dhënë një shpjegim të drejtpërdrejtë lidhur me komentin në fjalë, duke u mjaftuar me reagimin e shkurtër në Instagram.
