Moti sot do të jetë pjesërisht i vranët, me intervale të shkurtra me diell. Gjatë orëve të pasdites dhe gjatë natës priten reshje lokale shiu, ndërsa në zonat e larta malore mund të ketë reshje të dobëta bore.
Sipas informacioneve nga Drejtoria për Punë Hidrometeorologjike (DPHM), në pjesët perëndimore të vendit gjatë pasdites dhe orëve të natës pritet të ketë kushte për reshje lokale shiu. Në malet më të larta parashikohet edhe borë e dobët.
Era do të fryjë nga drejtimi juglindor, me intensitet të dobët deri mesatar.
Temperaturat minimale do të lëvizin nga -2 deri në 6 gradë Celsius, ndërsa ato maksimale gjatë ditës do të arrijnë nga 9 deri në 15 gradë Celsius.
Në Shkup, paraditja do të jetë kryesisht me diell, ndërsa gjatë orëve të mbrëmjes priten kushte për reshje lokale shiu. Temperaturat do të lëvizin nga -1 deri në 15 gradë Celsius.
Parashikimi për ditët në vijim
Të hënën moti do të jetë kryesisht i vranët, me reshje lokale shiu në intervale të ndryshme në të gjithë vendin.
Nga e marta pritet stabilizim i kushteve atmosferike, me vranësira të ndryshueshme gjatë ditës. Ndërkohë, të premten parashikohen sërish kushte për reshje të dobëta lokale shiu.
