Kryeministri Edi Rama ka kërkuar gjatë mbledhjes së Asamblesë së Partisë Socialiste përjashtimin e Elisa Spiropalit nga strukturat e selisë rozë, si edhe të ish-deputetit dhe avokatit të Erion Veliajt, Plarent Ndreca.
Kërkesa është bërë gjatë mbledhjes me dyer të mbyllura, ku Rama ka mbajtur një fjalim për atë që ai e quajti “familja e PS-së”.
Rama kërkoi votim të anëtarësisë për rastin e Spiropalit, që kjo e fundit të mos jetë më mes socialistëve.
Ndërkohë, pas përplasjes publike me Plarent Ndrecën, është kërkuar që edhe ky i fundit të ndëshkohet.
Për rastin e Erion Veliajt, Rama mësohet të jetë shprehur se për këtë të fundit nuk do të kërkohet përjashtim apo masa ndëshkimore, pasi ai “i ka duart e lidhura”.
