Anasayfa » Monika Lubonja trazon rrjetin me videon

Monika Lubonja trazon rrjetin me videon

Monika Lubonja ka tërhequr vëmendjen e ndjekësve në rrjetet sociale duke shpërndarë në InstaStory një fragment nga një intervistë ku flitet për dashurinë dhe marrëdhëniet jashtë martesës.

Në videon e publikuar, studiuesi Primo Shllaku pyetet nëse personat e martuar kanë të drejtë të përjetojnë ndjenja për dikë tjetër.

Gjatë bisedës, Shllaku shprehet se martesa nuk mund të kufizojë ndjenjat e njeriut. Ai deklaron: “Edhe të martuarit kanë shpirt mor, martesa është kontratë, por nuk është ethe e shpirtit njerëzor.”

I pyetur nëse të martuarit kanë të drejtë të përjetojnë dashuri jashtë martesës, ai përgjigjet: “Po patjetër që e kanë mor, po patjetër mor.”

Më tej, ai shpjegon se rënia në dashuri nuk është diçka që mund të kontrollohet me qëllim nga njeriu. “Është përtej qëllimeve tona. Ne njihemi që kemi rënë në dashuri dhe pastaj e kemi shumë më pak veten në dorë sesa ishim para se me rënë në dashuri”, shprehet ai në fragmentin e shpërndarë.

Postimi i kësaj videoje nga Monika Lubonja vjen disa javë pas skandalit me Adi Hilën, ku në rrjet u publikuan pamje intime të tyre së bashku.