Anasayfa » SPAK merr vendimin e papritur/ Mbyll…

SPAK merr vendimin e papritur/ Mbyll…

Prokuroria e Posaçme (SPAK), e cila sipas sondazheve renditet ndër institucionet që gëzojnë më shumë besimin e qytetarëve, ka vendosur të mbyllë hapësirën e komenteve në rrjetet sociale.

Një zgjedhje që nuk kalon pa u vënë re, sidomos për një institucion që është vazhdimisht në qendër të vëmendjes publike per shkak se trajton çështje me interes të lartë për qytetarët.

Për më tepër, deri më tani, jemi mësuar ta shohim këtë praktikë kryesisht te personazhe publike apo influencerë, të cilët zgjedhin të kufizojnë komentet sidomos kur përballen me komente të shumta negative në postimet e tyre.

Kujtojmë se SPAK, është një prej institucioneve më të komentuara të drejtësisë, për shkak të hetimeve ndaj zyrtarëve të lartë. Ndërkohë ndaj institucionit nuk kanë munguar as mbështetja, as kritikat dhe akuzat, përfshirë ato për standarde të dyfishta në hetime, të artikuluara kryesisht nga eksponentë politikë.

Tashmë, qytetarët mund t’i ndjekin njoftimet e institucionit, por jo të lënë komentin e tyre as në rrjete sociale.

Postim në faqen e SPAK në rrjete sociale