Anasayfa » Rama hap thesin për Policinë e Shtetit!

Rama hap thesin për Policinë e Shtetit!

Qeveria ka parashikuar një rritje të konsiderueshme të pagave për punonjësit e Policisë së Shtetit gjatë vitit 2027, në një kohë kur institucioni është përballur me kritika për mënyrën e ndërhyrjes së efektivëve gjatë protestave të vazhdueshme kundër kryeministrit Edi Rama.

Ministri i Brendshëm, Ervin Demo, gjatë prezantimit të projektbuxhetit në Kuvend, njoftoi se 3.3 miliardë lekë do të shkojnë për politikën e pagave, nga e cila do të përfitojnë mijëra punonjës të Policisë së Shtetit.

Sipas ministrit, 8,174 efektivë me gradën inspektor do të përfitojnë një rritje prej 23,600 lekësh, duke përfshirë edhe efektin e vjetërsisë në punë. Ndërkohë, për punonjësit me grada të tjera është parashikuar një rritje prej 15 mijë lekësh në muaj.

Demo e cilësoi këtë si rritjen më të lartë të pagave për efektivët e Policisë së Shtetit gjatë viteve të fundit.

Kjo rritje ishte paralajmëruar nga kryeministri Edi Rama në daljen e tij ku njoftoi edhe shpërblimin prej 2500 eurosh për efektivët e përfshirë në protesta.