“Të mos bësh s**s 5 herë në javë çon në … Gjinekologia komenton studimin

A mund të ndikojë mungesa e marrëdhënieve seksuale në shëndetin mendor? Një studim që ka ngritur diskutime mbi shpeshtësinë e marrëdhënieve intime është komentuar nga gjinekologia Lindita Myzyri, e cila ka shpjeguar lidhjen mes aktivitetit seksual dhe sistemit nervor.

E ftuar në një emision televiziv, Myzyri theksoi se marrëdhëniet seksuale kanë ndikim në shëndetin mendor, por mungesa e tyre nuk nënkupton automatikisht probleme psikologjike. “Nuk do të thotë që shëndeti mendor ruhet apo është i shëndetshëm vetëm nëse bëjmë jetë seksuale. Jo, është një ndër shumë faktorët e tjerë që ndikojnë që shëndeti mendor të jetë i shëndetshëm”, u shpreh gjinekologia.

Ajo shpjegoi se gjatë marrëdhënieve intime, veçanërisht në momentin e orgazmës, trupi çliron disa substanca që ndikojnë në funksionimin e trurit dhe gjendjen emocionale. Mes tyre përmendi dopaminën, serotoninën dhe oksitocinën.

“Dopamina është një është një neurotransmetues që ndryshe quhet hormoni i motivimit, ndërsa serotonina quhet hormoni i lumturisë”, shpjegoi Myzyri, duke shtuar se këto substanca ndikojnë në gjendjen emocionale të individit, duke ndihmuar në krijimin e ndjesisë së qetësisë, lumturisë dhe motivimit.

Një vëmendje të veçantë gjinekologia i kushtoi edhe oksitocinës, e njohur ndryshe si hormoni i dashurisë ose i përqafimit. “Oksitocina ka për efekt afrimin e çiftit”, theksoi ajo, duke shpjeguar rolin e saj në lidhjen emocionale mes partnerëve.