Një skenë kaotike është regjistruar në Melbourne, ku një makinë e tipit LandCruiser me ngjyrë të bardhë është futur me shpejtësi në një qendër tregtare të mbushur me njerëz, duke shkaktuar panik të madh mes blerësve.
Ngjarja ndodhi pasditen e së mërkurës, rreth orës 16:10, në Qendrën Tregtare Northland, në Murray Road, Preston. Sipas dëshmitarëve, makina theu një nga hyrjet kryesore dhe u përplas brenda zonës së brendshme të qendrës, duke detyruar njerëzit të fshiheshin nëpër dyqane për siguri.
Autoritetet njoftuan se në automjet ndodhej vetëm një person një burrë, i cili dyshohet se po përpiqej t’i shpëtonte ndjekjes së policisë kur humbi kontrollin e mjetit dhe përfundoi brenda qendrës tregtare.
Nuk raportohet për viktima, ndërsa policia ka nisur hetimet për rrethanat e incidentit dhe për identitetin e shoferit. Zona është izoluar për arsye sigurie, ndërsa shërbimet emergjente ndodhen në vendngjarje.
BREAKING: A major emergency is unfolding at Northland Shopping Centre. There are reports a car has driven through the centre. https://t.co/5zYfOfGqUb #7NEWS pic.twitter.com/PpiqjetXDT
— 7NEWS Melbourne (@7NewsMelbourne) June 18, 2025