Sipas sinoptikanes Lajda Porja, fundjava sjell një përmirësim të dukshëm të motit krahasuar me ditën e premte, duke sjellë kushte të qëndrueshme në pjesën më të madhe të territorit shqiptar.
E shtuna do të nisë me diell dhe temperatura të përshtatshme për plazh, sidomos në zonat bregdetare. Parashikimet tregojnë se si e shtuna ashtu edhe e diela do të karakterizohen nga mot kryesisht i kthjellët. Vranësirat do të jenë të lehta dhe kalimtare, pa reshje shiu gjatë gjithë fundjavës.
Sipas sinoptikanëve, temperaturat do të luhaten nga 14°C në zonat malore deri në 35°C në ultësirën perëndimore, ku pritet edhe maksimumi në rang territori.
Era do të jetë kryesisht e lehtë dhe deti do të paraqitet me dallgëzim të ulët, duke krijuar kushte të favorshme për pushuesit. Veçanërisht vija bregdetare do të mbizotërohet nga dielli gjatë së shtunës dhe të dielës.
Fundjava, por edhe java e fundit e muajit qershor, pritet të jenë ideale për pushime në bregdet.