Pas deklaratës së saj të bujshme se “më 29 qershor nuk duhet të lahesh në det”, ish-banorja e Big Brother VIP Albania, Arsida Çerpja ka zbuluar më shumë rreth asaj që e shtyu ta bënte këtë paralajmërim që ndezi rrjetet sociale.
Në një tjetër postim në Instagram Story, ajo shprehet se sipas të vjetërve, deti kërkon një shpirt në këtë datë.
Çerpja shton se ka parë disa video ku thuhet se “në këtë ditë, deti papritur ndryshon korrentet dhe ka ndodhur shumë herë që njerëz të kenë humbur jetën”.
“Mua nuk më pëlqen t’i besoj bestytnive dhe nuk i dhashë shumë vëmendje. Por kur pashë lajmet për dy persona që humbën jetën në det, thashë… ndoshta ka diçka që ndryshon atmosferën në këtë ditë dhe e bën më të rrezikshme”, shkruan ajo.
Deklarata e saj vjen në një ditë kur Shqipëria u trondit nga lajmi për dy të mbytur në det.
