Pamjet e publikuara dhe akuzat e ngritura kanë shkaktuar një valë të fortë reagimesh dhe shqetësimi në mesin e përdoruesve të rrjeteve sociale. Shumë prej tyre kanë shprehur tronditjen dhe neverinë për kontrastin e dukshëm mes imazheve të dashurisë prindërore të shpërndara në internet dhe akuzave serioze që rëndojnë mbi këtë baba.
Në s8ksionet e komenteve në rrjetet sociale, disa përdorues kanë shprehur bindjen e tyre se akuzat janë të vërteta, duke e cilësuar rastin si një nga më neveritëset që kanë parë. Nga ana tjetër, ka edhe nga ata që mbrojnë babanë, duke sugjeruar se akuzat mund të jenë të pavërteta dhe të motivuara nga vështirësitë financiare të familjes. “Po të ishte e vërtetë, mamaja do e kishte kuptuar diçka,” kanë komentuar disa, ndërsa të tjerë kanë shprehur skepticizëm duke thënë se “Vajza nuk do rrinte kaq e heshtur po të ndodhte diçka e tillë.”
Deri në këtë moment, hetimet nga ana e autoriteteve nuk janë konfirmuar zyrtarisht.mbyllyr. Megjithatë, videoja dhe emri i babait të akuzuar po qarkullojnë me shpejtësi të madhe në platforma të ndryshme si TikTok, Instagram dhe forume online. Kjo ka ngritur një alarm të gjerë publik mbi rëndësinë e mbrojtjes së fëmijëve dhe mbi mënyrën se si rrjetet sociale mund të përdoren si një fasadë për të fshehur veprime të dënueshme.
Rasti vazhdon të mbetet i pazbardhur, por një pikë e theksuar nga shumë komentues dhe vetë raportuesit është se kur bëhet fjalë për sigurinë dhe mirëqenien e fëmijëve, nuk ka vend për dyshime dhe çdo rast i tillë duhet të hetohet me seriozitet maksimal, pa humbur kohë, në mënyrë që drejtësia të vihet në vend nëse akuzat rezultojnë të vërteta.