Një 23-vjeçar dyshohet se është vrarë me armë zjarri pranë Liqenit të Shkopetit në Mat.
Ende nuk dihen rrethanat e ngjarjes së ndodhur, ndërsa ka dyshimet se viktima po lëvizte me një automjet kur u qëllua nga persona të paidentifikuar.
Automjeti i viktimës me iniciale R. D., mësohet se ka përfunduar në Liqenin e Shkopetit.
Sipas njoftimit të policisë, denoncimi për zhdukjen e 23-vjeçarit ëshyë bërë nga babai i tij, i cili ka kallëzuar se i biri nuk ishte kthyer në banesë.
Pas disa orësh kërkime, bluts kanë gjetur trupin e pajetë të tij pranë liqenit të Shkopetit.
Njoftimi i policisë:
Mat/Informacion paraprak
Mbrëmjen e djeshme, është paraqitur në Komisariatin e Policisë Mat, shtetasi R. D., i cili ka kallëzuar se djali i tij, shtetasi R. D., 23 vjeç, nuk ishte kthyer në banesë.
Shërbimet e Policisë kanë nisur menjëherë kërkimet për gjetjen e 23-vjeçarit. Pas disa orësh kërkime, shërbimet e Policisë kanë gjetur trupin e pajetë të 23-vjeçarit, pranë liqenit të Shkopetit, ndërsa automjeti i tij dyshohet se ka rënë në liqen.
Në lidhje me këtë rast është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe dokumentimin ligjor të rastit.
Renis Dobra, 23 vjeç nga Burreli është i riu, i cili u gjet pa shenja jete pranë liqenit të Shkopetit në fshatin Madhesh të Ulëzës në Mat.
Mbrëmjen e djeshme, babai i viktimës, shtetasi Rufat Dobra kishte bërë kallëzim në komisariatin e Matit ku kishte denoncuar se kishte humbur kontaktet me të birin dhe kërkonte ndihmën e uniformave blu për gjetjen e tij.
