Ndërkohe një tërmet me magnitudë 5 ballë të shkallës Rihter ka tronditur Greqinë. Sipas Institutit Gjeodinamik të Athinës, tërmeti ndodhi të premten në orën 19:24 (ora lokale), pranë brigjeve të ishullit Zakynthos, në perëndim të Peloponezit.
Epiqendra e tërmetit u lokalizua rreth 60 kilometra në jugperëndim të Strofades, ndërsa thellësia fokale u raportua në 10.8 kilometra.
Deri më tani nuk raportohet për viktima apo dëme serioze materiale. Megjithatë, lëkundja është ndjerë në disa qytete bregdetare, duke shkaktuar panik të përkohshëm në mesin e banorëve.
Autoritetet greke janë në gatishmëri dhe kanë nisur verifikimet në zonat më të afërta me epiqendrën, ndërkohë që ekspertët e sizmologjisë theksojnë se ky rajon është një zonë me aktivitet të lartë sizmik dhe tërmete të tilla janë të zakonshme.