Sipas mediave të huaja, edhe pse Megan zakonisht nuk është përdoruese aktive e rrjeteve sociale, videoja që u bë virale dhe duket se i ka tërhequr vëmendjen.
Shumë përdorues të mediave sociale i kanë nisur postime në Facebook me mesazhe mbështetjeje.
Duke nxitur spekulime të mëtejshme, disa “detektivë online” vunë re se Megan duket se e ka hequr mbiemrin “Byron” nga emri i saj i plotë në platformat sociale.
Ky veprim ka çuar në pyetje rreth statusit aktual të martesës së saj me Andyn.
Polemika filloi në një koncert të Coldplay në stadiumin Gillette të Bostonit, ku Andy Byron u kap nga kamerat me Kristin Cabot, drejtuesen e Burimeve Njerëzore të kompanisë.
Megan, e cila jeton në Nju Jork me bashkëshortin dhe dy fëmijët e saj, punon në Shkollën Bancroft në Worcester, Massachusetts.
Aktualisht ajo shërben si Drejtoreshë e Asociuar e Shkollës së Ulët dhe Pranimeve për Programin Hope Graham, i cili mbështet nxënësit me dallime në të nxënë të bazuara në gjuhë.
Drejtori ekzekutiv i Astronomer, Andy Byron, e gjeti veten në një moment tejet të sikletshëm, kur kamera në stadiumin ku po ndiqte një koncert të Coldplay, në Boston, Massachusetts e fokusoi atë së bashkë me një grua të panjohur.
Ai ishte duke përqafuar drejtoreshën e personelit të kompanisë së tij, Kristin Cabot dhe u habit kur ky moment u shfaq në ekranin e madh.
Në pamjet që po bëjnë xhiron e rrjetit, duket sipërmarrësi që shtanget dhe tenton të fshihet edhe punonjësja e tij, që ‘u kap mat’ i kthen kurrizin kamerës.
“Oh, shihini këta të dy“, tha vokalisti i grupit Chris Martin ndërsa kamera kapi çiftin duke u përqafuar.
Por, kur Byron dhe Cabot u ndanë me shpejtësi nga njëri-tjetri, artisti shtoi me humor “në rregull, hajde tani… ose kanë një lidhje ose janë thjesht të turpshëm”.
Ajo që duhej të ishte një moment argëtues gjatë koncertit të Coldplay të mërkurën në mbrëmje, përfundoi duke u kthyer në një krizë të vërtetë për imazhin e një CEO-je të njohur të teknologjisë – dhe videoja është pa dyshim turpëruese.
Gjatë koncertit në Gillette Stadium në Boston, vokalisti Chris Martin vendosi të ngrohë atmosferën me klasiken “kamera e puthjeve”.
Por ajo që ndodhi më pas tronditi publikun, pushtoi internetin dhe mund të ketë vënë në rrezik karrierën miliardëshe të një drejtuesi të njohur në teknologji.
Ndërsa kamera përshkonte turmën e madhe në stadium, papritur u fokusua tek Andy Byron, CEO i martuar i kompanisë Astronomer, një firmë softuerësh që thuhet se vlen mbi 1 miliard dollarë, dhe shefja e burimeve njerëzore, Kristin Cabot.
Të dy dukeshin tepër të afërt. Byron kishte krahun rreth Cabot, e cila ishte përkulur duke buzëqeshur.
Por sapo kuptuan se po transmetoheshin në “kamerën e puthjeve” të Coldplay, reagimet e tyre e përkeqësuan vetëm më shumë situatën.
Byron u largua menjëherë, duke u fshehur pas një barriere si dikush që kapet në flagrancë, ndërsa Cabot mbuloi fytyrën me duar, dukshëm e turpëruar.
Në atë moment, Chris Martin dha goditjen përfundimtare me një batutë të shkëlqyer:
“Oh, ose kanë një lidhje jashtëmartesore ose janë shumë të turpshëm”, duke shkaktuar të qeshura të mëdha nga turma – e cila nuk e kuptoi menjëherë çfarë po ndodhte.
Pas kësaj ngjarje të bujshme, CEO i Astronomer ka reaguar publikisht.
“Dua ta pranoj publikisht këtë moment që po qarkullon online dhe zhgënjimin që ka shkaktuar. Ajo që duhej të ishte një mbrëmje muzike dhe gëzimi, u kthye në një gabim personal që u bë publik në një skenë shumë të madhe. Dua të kërkoj ndjesë sinqerisht bashkëshortes sime, familjes sime dhe ekipit në Astronomer. Ju meritoni më mirë nga unë, si partner, si prind dhe si drejtues.”
Ai shtoi se po tërhiqet për një periudhë reflektimi dhe kërkoi privatësi:
“Po marr kohën e duhur për të reflektuar, për të marrë përgjegjësitë dhe për të vendosur për hapat e ardhshëm, si në jetën personale ashtu edhe në atë profesionale.” E konsideroj shumë shqetësues faktin që një moment privat u bë publik pa pëlqimin tim. Kam respekt për artistët, por shpresoj të reflektojmë të gjithë mbi ndikimin që ka kur jeta e dikujt tjetër kthehet në spektakël publik.”