Policia e Fierit vijon punën intensive hetimore për zbardhjen e plotë të ngjarjes së rëndë të ndodhur në fshatin Frashër, ku shtetasja E. R., 26 vjeçe, vrau për motive të dobëta babain e saj, Anesti Rama.
Në vijim të hetimeve, është vënë në pranga një tjetër person i përfshirë në krim. Bëhet fjalë për shtetasin Çlirim Dogani, 55 vjeç, banues në fshatin Arapaj, Roskovec, i cili dyshohet se ka bashkëpunuar me të renë në realizimin e vrasjes së rëndë.
Sipas hetimeve të deritanishme të kryera nga Seksioni për Hetimin e Krimeve Kundër Personit në Drejtorinë Vendore të Policisë Fier, dyshohet se 55-vjeçari ka marrë pjesë në ekzekutimin e viktimës përmes strangulimit me tel, si dhe në përdorimin e sendeve të forta dhe mjeteve prerëse ndaj tij.
Materialet i janë referuar tashmë Prokurorisë së Fierit për veprime të mëtejshme ligjore, ndërsa hetimet për këtë ngjarje tronditëse vijojnë.
