Një incident është regjistruar ditën e sotme në një supermarket, ku një vajzë e re është përfshirë në një përplasje verbale dhe fizike me një çift të moshuar, burrë dhe grua.
Dëshmitari që ka filmuar ngjarjen ka shpjeguar për JOQ se konflikti nisi kur gruaja e moshuar ka hyrë pa radhë te kasa, duke shkaktuar irritimin e vajzës.
“E reja debaton me një të moshuar. Vetëm kaq filmova. Me aq sa kuptova unë e moshuara kishte hyrë pa radhë dhe kjo se kishte lejuar. E kishte ofenduar vajzën, pasi dëgjova që kjo vajza i thoshte: ”Mirë që futesh pa radhë por më thua edhe la*ire dhe më pas nisi ta qëllojë duke e sharë. Vajza ishte klientë.” – shkruan denoncuesi.
Ndërkohë, në video vajza dëgjohet të thotë: “Ka pak burra që vijnë këtu. Plakë e shpifur. Keni marrë kot ju. E çmendur. Mbaj burrin aty, moj plakaruqë e dreqit.”.
Videoja nuk tregon gjithë kronologjinë e ngjarjes dhe nuk është e qartë se çfarë ka ndodhur saktësisht. Dëshmitari ka filmuar vetëm pjesën e përplasjeve, dhe deri tani nuk ka informacione të tjera të plota mbi shkakun e konfliktit.
Pas publikimit të pamjeve në rrjet, ka reaguar edhe vajza, protagoniste e videos, e cila tregon versionin e saj të ngjarjes.
“Unë isha në radhë. Para meje kisha një zotëri që kishte shumë ushqime. Ai më tha mua duke qenë se ke pak gjëra kalo t’i para meje. Kalova, isha unë e para, ky zotëria i dyti dhe një vajzë tjetër. Pastaj erdhën dy gra, kjo që zihem unë dhe një tjetër që kishte marrë ca birra në duar. Më tha t’i vendos aty dhe i thashë ok. Pastaj më ofendoi tha “ç’paske qenë ti moj një lav*re”. I thashë ç’paskeni qenë ju plakat, keni marrë për kot. Pastraj ndodhi ajo që shikohet.”