Kanë dalë pamje të reja nga aksidenti i rëndë i ndodhur në Fier, në Qafë të Koshovicës, ku një polic u tregua hero duke shpëtuar tre persona nga flakNë videon e siguruar nga vendngjarja, shihet mjeti i përmbysur pas përplasjes së fortë me një pemë, ndërsa tymi dhe flakët kanë përfshirë makinën.
Polici, pa u menduar dy herë, ndihmon një nga të aksidentuarit, më pas kthehet për të nxjerrë edhe të tjerët, duke i larguar në një distancë të sigurt nga automjeti që po digjej.
Veprimi i tij i guximshëm ka marrë mirënjohjen e qytetarëve të pranishëm, të cilët e quajnë një akt heroik që i shpëtoi tre jetë nga një tragjedi e sigurt.
Ky moment tregon se në situata të rënda, humanizmi dhe guximi nuk njohin uniformë apo kufij – janë vlera që mbajnë gjallë shpresën te njeriu dhe forca e tij për të ndihmuar të tjerët, edhe kur rrezikon jetën e vet.
Një ngjarje e rëndë, por me një akt heroizmi të rrallë, ka ndodhur në Fier, në Qafën e Koshovicës. Sipas një denoncimi të mbërritur në redaksinë e JOQ Albania, një aksident i tmerrshëm ka lënë të plagosur rëndë tre persona, pasi automjeti me të cilin udhëtonin u përplas me një pishe dhe më pas mori flakë.
Në vendngjarje ndodhej rastësisht një efektiv policie, i cili, pa pritur ndihmë, ka hyrë mes flakëve dhe ka arritur të nxjerrë të gjallë katër personat e bllokuar në automjet. Veprimi i tij i guximshëm ka shmangur një tragjedi të sigurt.
Qytetari që raportoi ngjarjen shprehet se falë ndërhyrjes së menjëhershme të policit, të plagosurit u shpëtuan nga vdekja e sigurt.
Mesazhi i qytetarit:
“Përshëndetje JOQ. Një aksident i tmerrshëm në Fier, në Qafë të Koshovicës. Rastësisht një polic, mund ta quaj hero, i vetëm ka bërë të mundur nxjerrjen e 3 personave të lënduar rëndë. Mes flakëve makina u ndez. Polici, i vetëm, me guxim të theksuar, sapo shpëtoi 3 jetë. I shpreh mirënjohjen. 30 minuta para. Ai polici ka nxjerrë 3 persona mes flakëve. Makina u ndez në flakë. Mjeti bëri aksident, u përplas me një pishe. Ka 3 veta shumë të dëmtuar“.