Në Gjykatën Themelore në Prishtinë u mbajt seanca e radhës për rastin e vrasjes së Liridona Ademaj, ku i akuzuari kryesor, bashkëshorti i saj, Naim Murseli, dhe dy bashkëpunëtorët e tij, Granit Plava dhe Kushtrim Kokalla, po përballen me drejtësinë.
Seanca ishte e fokusuar në dëshminë e ekspertëve të Psikiatrisë Forenzike, të cilët kanë bërë ekzaminimin e gjendjes mendore të Naim Murselit.
Ish-drejtori i Klinikës, Shpend Haxhibeqiri, deklaroi se nuk është konstatuar asnjë çrregullim mendor te Murseli.
Pas kësaj dëshmie, Naim Murseli e mori fjalën dhe u drejtoi një pyetje të papritur ekspertëve: “Në media kam parë tituj që ekzaminimi im thotë që ‘Naim Murseli ishte në gjendje të aftësisë në momentin kur vrau gruan e tij’. Pyetja ime është kjo: A e thotë raporti që unë e kam vrarë gruan time?”
Kjo deklaratë ka shkaktuar një reagim të fortë në sallën e gjyqit, ndërkohë që çështja e vrasjes vazhdon të jetë një nga më të komentuarat në opinionin publik.