Një 20-vjeçar me origjinë shqiptare humbi tragjikisht jetën në mëngjesin e së enjtes, më 22 janar, në një aksident në Itali.
Sipas mediave lokale, ngjarja ndodhi në komunën e Revellos, në provincën e Cuneos.
I riu shqiptar udhëtonte me një makinë Audi, kur u përplas “kokë më kokë” me një kamion.
20-vjeçari me inicialet K.G., i cili jetonte në Saluzzo, gjeti vdekjen e menjëhershme.
Për nxjerrjen e tij nga makina u desh ndërhyrja e forcave zjarrfikëse. Rrethanat e plota të këtij aksidenti tragjik nuk dihen ende./tvklan.al
