Gjykata Kushtetuese e Shqipërisë nuk ka kaluar për shqyrtim kërkesën e avokates dhe aktivistes Adriana Kalaja, e cila kërkonte shpalljen të pavlefshëm të procesit të zgjedhjes së Endrit Shabanit si Avokat i Popullit, në Kuvendin e Shqipërisë.
Që në krye të herës, ajo nuk është pajtuar me propozimin dhe votimin e Endrit Shabanit si Avokat i Popullit, pasi ky i fundit mori edhe firmat e Partisë Demokratike, ndërkohë që Adriana Kalaja, jo, pavarësisht se është aktiviste e kësaj force politike.
Me vendimin e sotëm të Gjykatës Kushtetuese, organi më i lartë i Republikës që vendos për kushtetutshmërinë e akteve dhe vendimeve, – për të mos marrë në shqyrtim ankesën e Kalasë – çështja e Avokatit të Popullit konsiderohet e mbyllur.
Endrit Shabani është zgjedhur Avokat i Popullit tre muaj më parë, në ditët e para të Dhjetorit 2025, pas një karriere të njohur në politik si aktivist dhe drejtues i Partisë Nisma Thurje.
Në zgjedhjet e fundit, ai u përfshi në koalicion me Adriatik Lapajn e Shqipëria Bëhet dhe fituan një mandat deputeti, por aleatët u ndanë shpejt për shkak të konfliktit se cila nga dy partitë duhet të çonte emrin në Kuvend.
Mes një kaosi parlamentar dhe mungese bashkëpunimi opozitë-mazhorancë, Endrit Shabani arriti të siguronte vota nga të dy kampet politike (pavarësisht se demokratët tentuan në fund të tërhiqeshin) dhe shkoi në Parlament. Ai mori votat e nevojshme dhe sot është Avokat i Popullit.
Comments are closed.