Analisti Agim Baçi ishte mbrëmjen e sotme në Log. News24 teksa foli mbi paraqitjen e zv.kryeministres Belinda Balluku në SPAK që pritet të ndodhë nesër.
Baçi thotë se nesër mund të ketë një akuzë nga prokurori për zv.kryeministren, ndërsa mendon se së shpejti do ketë dhe një rrokadë në qeveri.
Sipas tij, Rama po mendon pasuesen e Ballukut në ekzekutiv, si hapi i parë i një pasoje politike pas hetimit të numrit dy të qeverisë.
Agim Baçi: Do ketë pasoja politike. Për herë të parë a për instikt, zoti Rama tha ndryshe nga herë te tjera, ne do lëmë drejtësinë të bëjë punën e vet. Këtë deklaratë herë të tjera e ka bërë shumë më vonë, fillimsht e ka mbrojturit. Lajmet që do shoqërohet që mund të ketë akuzë në SPAK, po mendohet, gjasat që po mendohet një rrokadë e shpejtë, kur janë bërë akuza të tilla Rama ka bërë lëvizje.
Mendoj se nga ajo refuzimi i ditës së parë që tregon shumë, gjetja e një modeli për të qenë në Rumani, për të fitim kohe. Shkon në këtë pikë që shumë gjasa që nesër do ketë një akuzë. Në qeveri ndryshojnë gjërat. Kryeministri Rama ka treguar që në raste të tilla e shmang. Pra që ne e mbështesim prapë SPAK-un. Ka lënë Berishën të sulmojë SPAK publikisht, kurse vetë është mbështetës.
Analisti dhe ish-deputeti Edvin Kulluri foli mbrëmjen e sotme në Log. lidhur me thirrjen në SPAK të zv.kryeministres Belinda Balluku ditën e nesërme, pasi refuzoi të paraqitej ditën e hënë.
Kulluri vë re një gjendje katastrofike të mediave sipas tij, pasi 90% e tyre refuzuar, sipas tij, fillimisht të raportojnë se Balluku është thirrur në SPAK.
Edvin Kulluri: Duhet të themi që kjo javë ka qenë e turpshme për lirinë e medias vetëm dy tv kanë dhënë një lajm normal që është thirrur zonja Balluku. Kjo është një gjë normale. Ka shumë njerëz që thirren dhe merren në akuzë. 90% të mediave janë vetëcensuruar në mënyrë të turpshme.
Jemi në gjendje demokracie katastrofike. Po akomodohemi me këtë. E dyta ka disa skenarë, zonja Balluku jep dorëheqjen si zv,kryeministër por mandatin e ruan. Nëse Rama ndjen përgjegjësi i kërkon dorëheqjen ose e shkarkon. Nëse nuk pranon kemi një problem për zotin Rama. Në këtë rrugë jemi.