Ish-banori i Big Brother VIP Kosova 4, Eduard Kuqi, i njohur si Edi, ka shprehur publikisht dëshirën për t’u rikthyer në shtëpinë e BBVK, duke iu drejtuar drejtpërdrejt fansave përmes rrjeteve sociale.
Përmes llogarisë së tij në Instagram, Edi ka bërë një thirrje të hapur, duke i kërkuar ndjekësve të reagojnë masivisht në postimet dhe faqet zyrtare të formatit. Në mesazhin e publikuar, ai shkruan:
“E kam një lutje, në çdo postim te faqja zyrtare e Big Brother, në çdo gazetë, në çdo postim të komentoni dhe të kërkoni rikthimin e Eduard Kuqit (Edit). Hajde sepse ju mundeni ta riktheni Edin në Big Brother.”
Ky mesazh tregon se ish-banori nuk e ka humbur shpresën për një mundësi të dytë dhe shpreson në reagimin e drejtpërdrejtë të publikut.
Edi u largua nga gara pas një televotimi vendimtar, ku publiku vendosi mbi qëndrimin e tij në shtëpi. Largimi i tij erdhi pas një serie situatash të tensionuara, përfshirë ofendime ndaj publikut dhe një debati të ashpër me banorin Ardit, që shkaktuan reagime të shumta në opinionin publik.
Edhe pse u largua nga BBVK 4, mesazhi i fundit tregon vendosmërinë e tij për të kërkuar rikthimin, ndërsa mbetet për t’u parë nëse kjo thirrje do të marrë përgjigje pozitive nga produksioni dhe publiku i spektaklit.
Edi kërkon rikthimin në Big Brother, apel ndjekësve
