Kryeministri Edi Rama mblodhi këtë të mërkurë, Kryesinë e Partisë Socialiste në selinë rozë. Ky takim u zhvillua në kuadër të procesit zgjedhor dhe organizimit të strukturave të partisë.
Pas përfundimit të mbledhjes sekretari i Partisë Socialiste Blendi Klosi u shpreh se është një proces riforcimi dhe njoftoi se Asambleja e PS-së do të mbahet më 21 mars.
Lidhur me çështjen ndaj ish-zëvendëskryeministres Belinda Balluku, Klosi theksoi se Partia Socialiste i qendron parimit për të mos u përfshirë, madje as përmes komenteve.
Kujtojmë se kreu i qeverisë e lajmëroi hapjen e fushatës për zgjedhje në Partinë Socialiste disa ditë më pare.
Ai u kërkoi socialistëve të nisin një dialog me bazën. Në bashki të caktuara sipas tij, duhet fokus edhe më i qartë, një dialog që do konkludojë më pas edhe në zgjedhjet për strukturat e partisë
Comments are closed.