Parashikimi i motit për 24 orët në vijim
Sipas sinoptikanes Tanja Porja, për 24 orët e ardhshme, vendi ynë do të ndikohet nga kushte atmosferike kryesisht të qëndrueshme. Pritet një ditë kryesisht me kthjellime në pjesën më të madhe të territorit, ndërsa reshjet do të jenë të pakta dhe të izoluara, kryesisht në zonat malore lindore.
Temperaturat do të vijojnë të pësojnë rënie. Termometri në mesditë do të shënojë një ulje me rreth 2 gradë Celsius, ndërsa në mëngjes rënia do të jetë më e lehtë. Era do të fryjë me intensitet mesatar nga drejtimi verior percjell shqiptari.net.
Në orët e natës dhe paraditen e nesërme priten rrebeshe të shkurtër dhe të izoluar në zonat lindore të vendit, kryesisht në verilindje dhe juglindje. Vija bregdetare do të mbizotërohet nga kthjellime, ndërsa në zonat e brendshme do të ketë alternime kthjellimesh dhe vranësirash kalimtare.
Temperaturat minimale në mëngjes do të zbresin deri në 7–8°C në skajet veriore dhe verilindore, ndërsa në zonat perëndimore dhe bregdetare do të luhaten nga 12°C në brendësi deri në 14–15°C në bregdet.
Në mesditë, vlerat maksimale do të shënojnë një tjetër rënie. Në zonat malore priten maksimume rreth 25–26°C, ndërsa në shtrirjen perëndimore do të luhaten nga 30°C në bregdet deri në 33–34°C në zonat më të ulëta.
Parashikimi për pesë ditët në vijim
Për ditët në vijim ruhet e njëjta tablo sinoptike. Do të kemi alternime kthjellimesh dhe vranësirash kalimtare, ndërsa reshjet do të jenë të pakta dhe në formën e rrebesheve afatshkurtra vetëm në zona të izoluara malore, kryesisht në lindje dhe juglindje të territorit.
Temperaturat do të kenë luhatje të lehta. Të enjten pritet një rritje e përkohshme dhe e lehtë e vlerave termike si në mëngjes ashtu edhe në mesditë, por nga e premtja deri të hënën pritet një rënie graduale. Fundjava parashikohet me temperatura që në mëngjes do të luhaten nga 7–8°C, ndërsa në mesditë nuk do të kalojnë 31–32°C.