Ish-drejtuesi i lartë i Policisë së Shtetit, Shemsi Prençi, lëshoi akuza të forta në një panel televiziv, duke e cilësuar qeverinë aktuale të Edi Ramës si “produkt të mashtrimit dhe ndikimit kriminal”. Ai paralajmëroi se muajt shtator dhe tetor do të sjellin zhvillime të papritura, duke përfshirë goditje ndaj zyrtarëve të lartë të korruptuar. Sipas tij, katër ministra të kabinetit aktual përfaqësojnë shembullin më flagrant të paaftësisë dhe korrupsionit. Ndërkohë ai theksoi se pritet shpërthimi i dy dosjeve për kryeministrin, ndërsa zbuloi se mbi 500 zyrtarë janë nën hetim nga Prokuroria e Posaçme (SPAK). Më poshtë po pasqyrojmë bisedën e plotë të Z. Prençi në emisonin “Breaking News” në “Top Channel dhe Top News”.
-Patëm një diskutim që drejtësia do të jetë një faktor që do ta shtyjë Ramën drejt përzgjedhjes për shkak se mund të ketë, po themi, dhe emra problematikë. Në PS gjithashtu diskutuam edhe për mundësinë që Rama të përfshijë pjesëtarë të opozitës. Çfarë mendon për këto fenomene? Cili është, po themi, vëzhgimi juaj paraprak?
Për hir të së vërtetës, ne nuk duhet të hamendësojmë, por duhet të lexojmë politikën e vendit dhe politikën e jashtme. Rama mori një goditje shumë të fortë në qytetin e luleve Bled, Slloveni, dhe mori, po themi, në vend të luleve, mori ferra, pasi Forumi i Bledit i vuri katër shtylla, ia përmendi katër shtylla të hyrjes në familjen evropiane: problemi i korrupsionit, krimit të organizuar, korrupsionit në nivele të larta shtetërore, liritë dhe të drejtat themelore të njeriut, lirinë e medias. Kryeministri i Shqipërisë, për hir të së vërtetës, për asnjërën prej tyre nuk dha shpjegim, sepse kryeministri ynë krimin dhe korrupsionin e ka lejuar vetë që në vitin 2016, kur kanabizoi gjithë Shqipërinë, dhe këtë e di gjithë bota dhe s’ka hequr dorë nga kjo. Ka bërë kokë turku një ministër të asaj kohe dhe nuk heq dorë së bëri koka turku, pasi i fut në botën e krimit.
Kryeministri i Shqipërisë ekzaltohet pasi ka dështuar për zotin Tahiri. Pasi ka dështuar në kontrollin e territorit mbi paligjshmërinë ndaj kriminalitetit. Pas 12 vjetësh, ekzaltohet kur shemb me tritol ndërtime të qytetarëve shqiptarë, që në fakt është faj i kryeministrit dhe i administratës së kryeministrit. Pra, unë nuk di në botë një kryeministër që të ekzaltohet dhe të shpërndajë në rrjetet e tij sociale momentet e shpërthimit me eksplozivë të ndërtesave, që i ka ndërtuar në fund të fundit, është pasuri e shqiptarëve. Pikërisht për këtë po them, meqenëse dole te rasti konkret, kryeministri i Shqipërisë, po të ishte vizionar, duhet ta kthente atë kompleksin, ta konfiskonte dhe ta kthente në një azil pleqsh. Se për çdo natë statistikat e policisë tregojnë se për çdo natë vdes nga një pensionist në shtëpi, i vetmuar, se e kanë braktisur rinia, e kanë braktisur fëmijët, kanë shkuar për të ngrënë bukë në Evropë.
Dhe ky kryeministër që merr votat e këtyre pensionistëve duhet ta mendojë që atë kompleksin, që të mos largohemi nga tema, atë kompleksin ta bënte azil pleqsh, por jo ta shpërthente me tritol, sepse vizioni i një kryeministri nuk duhet të jetë terrorizmi, terrori në popullatë, duhet të jetë përmirësimi i kushteve të moshave të treta, nëse do t’i shpërblejë ata të cilët e kanë votuar masivisht. Kalojmë te problemi tjetër. Kryeministri i Shqipërisë nuk dha shpjegime për liritë dhe të drejtat themelore të njeriut, as për lirinë e medias, sepse edhe kompaninë Neës24 me tritol e shpërtheu, sepse i çoi policinë, ushtrinë në një pronë që s’ishte e kryeministrit, por ishte e bashkisë së Tiranës. Pra, të gjitha këto tregojnë që ne jemi shumë larg BE-së, por kryeministri është shumë larg së bërit qeveri, sepse Shqipëria në 35 vite ka dështuar në shtetbërjen, sepse të gjitha qeveritë lënë paligjshmërinë të lulëzojë në çdo cep të Republikës së Shqipërisë.
Dhe kur çohen nga gjumi kryeministrat me ëndrra të prishura, gjëja e parë që u shkon në mend IKMT-ja dhe IMT-ja për t’i shembur dhe jo për t’i rregulluar. Pra, në këtë këndvështrim, kryeministri tani është në një fushatë shumë të rrezikshme përpos asaj që ai duhet të merret vesh me udhëheqësit politikë të tij që kanë drejtuar qarqet, por parulla e kryeministrit është që ju nuk keni fituar, kam fituar unë, nëse e dëgjove. Dhe ai së pari ka detyrime për të marrë propozimet e grupeve kriminale që janë në konkurrencë të Elbasanit, me ato të Durrësit, me Vlorës për të bërë gjysmën e kabinetit. Gjysma i takon Partisë Socialiste dhe Edi Ramës. Për këtë do të bindemi ditën që do të lançohet qeverisja. Po dje, raporti i Avokatit të Popullit ka nxjerrë në pah atë çka juristët e kanë thënë të gjithë në media se qeveria shqiptare nuk punon me ligj, po punon me urdhra arbitrarë dhe arrogancë, për të cilën kryeministri i Shqipërisë dhe qeveria e Partisë Socialiste i ka kushtuar një faturë shumë të rëndë taksapaguesve shqiptarë, duke filluar nga Begeti e deri tek arrestimi i ish-presidentit të republikës me shkelje në procedurë, me një ligj të shfuqizuar katër ditë më parë, por me një shkelje edhe në ekzekutim, çka do të thotë që ky lloj shteti dhe ky lloj shtetformimi dhe ky lloj bërje qeverie nuk mund të pranohet nga Bashkimi Evropian dhe Shtetet e Bashkuara të Amerikës.
Sepse ata me të vërtetë e duan liberalizmin dhe të majtën liberale. Po një e majtë liberale në Shqipëri me një kryeministër terrorist nuk mund të ketë. Vetëm një shtesë: nga një komunikim që kam pasur jo më larg se dje me një drejtues shumë të lartë të administratës publike, më tha: “Dy muajt e ferrit kanë qenë korriku dhe gushti. Nuk kishim mundësi të komunikonim me asnjë zëvendëskryetar bashkie dhe kryetar dhe drejtor gjatë situatës së zjarreve, sepse të gjithë kishin dhënë dorëheqje dhe prandaj kaloi Shqipëria në blackout në raport me fatkeqësinë e zjarreve në verën 2025.” Dhe kjo është drejtpërdrejt nga një person tepër kompetent në fushën e mbrojtjes civile.
-Zoti Prençi, ka ndonjë ministër, regjia të na ndihmojë edhe me emrat, që për ty ka bërë një punë të mirë dhe duhet të vazhdojë? Kush mendon se duhet të ikë me patjetër? I kemi dhe të afishuara që…
Këto që keni afishuar… Kryeministri është mashtruesi më i madh që ka njohur historia e Shqipërisë. Ka mashtruar shqiptarët për satelitët dhe deri më sot, prej katër vitesh, satelitët nuk kanë dhënë asnjë imazh. Ka deklaruar që do të krijojë një inspektoriat për të parë shqiptarët çfarë bëjnë në tokë, pra nëpërmjet satelitëve dhe dronëve, dhe nuk ka arritur të kontrollojë territorin për fenomenet negative. Ka dështuar në kontrollin e territorit edhe në raport me kriminalitetin, edhe në raport me paligjshmërinë në fushën e ndërtimit. Nuk ka moral ta qeverisë Shqipërinë dhe duhet të gjejë një figurë tjetër brenda Partisë Socialiste nëse do të qeverisë. Në të kundërtën, unë parashikoj zhvillime të çuditshme në shtator dhe në tetor. Shqipëria ka një histori të hidhur sepse nuk mund ta durojë kush kryeministrin duke gënjyer. Kryeministri ka dalë me portofolin e ujit.
-Çfarë do të thotë në shtator?
Prit të ta them unë, doni në fund edhe duro. Kryeministri në mandatin e parë doli me portofolin e ujit të pijshëm 24 orë dhe të legalizimeve. Nuk ka realizuar as 20% të premtimeve. Sot të gjithë Shqipërinë e ke pa ujë. Pa ujë të pijshëm në çezma. Ka deklaruar për punësim për të gjithë. Ka larguar nga Shqipëria minimumi 700.000 djem e vajza, baballarët e të cilëve kanë ngelur nëpër shtëpi vetëm, dhe çdo natë vdesin nga një ose dy pleq dhe i gjen policia të dekompozuar mbas shtatë ditësh. Pra, çka do të thotë, edhe kujdesi social ka dështuar. Pra, bashkë me ministren e arsimit, që ka qenë ministër shëndetësie dhe e ka bërë baltë te njëra ministri e baltë te tjetra.
Ministria e Drejtësisë ka dështuar duke filluar nga vrasjet brenda në burg e deri te të gjitha poshtërsitë që kanë arritur të bëjnë presion të ndaluarve dhe të arrestuarve në vendin e vuajtjes së dënimit, që është cenim i lirive dhe të drejtave themelore të njeriut, por në mënyrë të veçantë cenimi i lirive dhe të drejtave të të burgosurve. Ministri i Brendshëm dhe Ministri i Mbrojtjes nuk di çfarë suksesi kanë arritur për një vit sa janë. Vetëm di këtë që reforma në polici u ndërpre vetëm me emërimin e 12 drejtorëve dhe nuk vazhdoi më reforma, dhe ajo çka u ndërpre, u ndërpre gjithë vetingu në polici sepse detyrat e drejtuesve të policisë i kishin njerëz të implikuar me veprimtari.
-Pra, ti nuk mendon se asnjë nga këta?
Nga këta që janë shfaqur këtu nuk ka. Po shkojmë edhe tek Ministria e Jashtme po të duash, ministër për Integrim. Bashkimin Evropian sapo ta thashë, sepse nuk mund të shkosh t’ju shitesh evropianëve për dele kur ti je ujku, sepse të thashë katër shtyllat kryesore për të cilat dje e detyruan kryeministrin e Shqipërisë të ulë kokën në podiumin e aktivitetit të Bledit të Sllovenisë. Çka do të thotë që ne jemi shumë larg BE-së, biles ajo 2030, po ne as në 2060-n me këtë lloj kriminaliteti në Shqipëri, krimit të organizuar në fushën e kultivimit të bimëve narkotike dhe lufta me hope, me kolpo, kur bën presion Evropa. Me presionin që u bëhet gjyqtarëve dhe prokurorëve në mënyrë të veçantë, vetëm kryeministri i Shqipërisë mund ta kuptojë se ne kemi një drejtësi të pavarur, kur drejtësia diktohet nga kryeministri, sepse gjykatësit duhet të japin vendim vetëm po t’i pëlqejë kryeministrit. … Meqenëse kryeministri kërkon që gjykatësit duhet të japin vendime vetëm që t’i pëlqejnë qeverisë, atëherë për çfarë drejtësie për popullin bëjmë fjalë?
Sepse gjykatësi nuk mund të procedojë sepse i merr në telefon kryeministri dhe i thotë nesër s’do të dalësh në punë. Pra, a e kupton se në çfarë sistemi jetojmë? Dhe për të shkuar atje që ajo që ju kërkoni lajm, unë jam i bindur që së pari formimi i qeverisë do të kalojë në procese shumë të vështira debatesh me grupet e interesit, duke filluar nga grupet kriminale që kanë kontribuar tek Sara Mile, tek ai Durrësi që kanë marrë nga 24.000, pa qenë politika, si sot kanë marrë nga 24, janë shpallur kampionë të votës pa qenë personazhe të politikës. Pra, detyrimisht ata do kërkojnë copën e luanit, që nga interesat përtej kufirit, sepse duhet të plotësojë dhe ca dëshira të atij që është në burg në Hagë, sepse dhe ai do racionin e vetë në qeverinë shqiptare.
-Hashim Thaçi?
Normal, nëse s’e ke marrë vesh, më vjen keq se je gazetar me eksperiencë, edhe ai kërkon pjesën e vetë, sepse ke trojet e tija, nuk ka vend, kanë dështuar në atë dështimin që…
-Në çfarë mënyre do të jetë pjesë Thaçi?
Njerëzit e Thaçit do jenë në kabinet.
-Njerëzit e besuar të Thaçit…
Po, ata s’e njohin realitetin në Shqipëri. Pse e njohu ajo ministrja e arsimit që erdhi këtu dhe ndejti dy vjet? Përfshirja e Kosovës, e këtyre personazheve në qeveri, të marrësh nga Kosova kur ke kapacitete sa të duash në Shqipëri, personazhe që e njohin terrenin, të zgjedhë, mos mendallat, përrallat që na bëri. Unë jam kundër kësaj, mua s’më pëlqen kjo, ti je kundra… Po, ti je kundra ore, ta ka bërë kryeministri i Shqipërisë, ta marrë atë dhëndrin e gruas, a ishte ai i dashuri i vajzës së gruas së kryeministrit, çfarë ishte, e na bëri ministër të Jashtëm, edhe filloi të recitojë dhe nuk dinte vargjet e poezive të rilindasve shqiptarë. Pra unë them, është i detyruar kryeministri të plotësojë ato interesat e grupeve kriminale, të partnerëve përtej kufirit të Shqipërisë së vogël. Ne i mirëpresim ekspertët dhe njerëzit e mirë të shqiptarëve nga pjesa e Shqipërisë etnike dhe i duam shumë, por ai që të vijë të jetë “shuan qeverisë shqiptare” përtej asaj.
Nuk besoj kurrë që kryeministri i Shqipërisë, ky kryeministër do të luajë me ato që thatë në fillim ju, me eksponentët e së djathtës apo të copave të së djathtës, sepse nuk besoj që ndokush të shkojë dhe të bëhet karrem i kryeministrit në momentet e dështimit, sepse kryeministri ka një llogari për të dhënë për çështjet e veta shumë të rënda që i ka me Shtetet e Bashkuara të Amerikës, për çështjen me McGonigal që tashmë ka, për çështjet e Soros-it që ka lobuar me pagesa për të shpërbërë opozitën shqiptare, të cilat do t’i fillojnë nga mesi i shtatorit dhe tetorit. Kështu që pak kush ka këllqe për të pranuar portofol ministri në qeverinë Rama 4, e cila do të marrë me vete mëkatet e tre qeverive të tjera për dështimin që ka dhënë dhe për korrupsionin e niveleve më të larta, pasi avokati e di mirë, të gjitha gjyqet Shqipëria i ka humbur dhe në arbitrazh, dhe fatura për taksapaguesit shqiptarë është shumë e madhe në raport me detyrimet.
Kush do ta humbë? Ka dhe një problem tjetër: për të mbajtur fjalën për pensionistët që i mashtroi dhe ju mori votën, do ju japë nga një kacidhe dhe u shtoi nga 5 lekë të vjetra të pensionit, por nuk do të mundet. Domethënë, hap gjelin e vitit të ri, dhe me sa kam dijeni unë, në tetor nuk ka lekë për rrogat e administratës publike, sepse thesi i qeverisë shqiptare ka shkuar për të ngrënë veten.
-Por për situatën e PD keni një koment?
Unë e shoh suksesin e Partisë Demokratike tek vizioni. Nëse vizioni i Partisë Demokratike është të mundë kundërshtarët brenda llojit, normalisht që i fituar është Sali Berisha, sepse është lider historik dhe ka mbështetjen më të madhe në popull. Nëse vizioni dhe misioni i Partisë Demokratike është të mundin Edi Ramën, që deri më tani nuk po shikohet, është që të ndërtojë një strategji të bashkimit të opozitës, sepse shembulli tipik është viti 2005 kur Sali Berisha rrëzoi regjimin e Fatos Nanos, dhe 2013 kur Edi Rama mundi Sali Berishën. Të dy liderët kanë përdorur të njëjtën taktikë: mblidh rreth vetes edhe njerëzit të cilëve ju kishte thyer dhëmbët, edhe një votë të vetme.
Mblidh rreth vetes, edhe pse je Partia Demokratike, merre dhe Partinë Komuniste Shqiptare dhe bashko me 1.000 vota, nëse e mbani mend, vetëm e vetëm të fitojmë. Nëse misioni dhe vizioni i Partisë Demokratike qëndron për të rrëzuar Edi Ramën ose për të mos e lënë ta gëzojë mandatin e katërt, duhet gërshetuar bashkimi i të djathtës shqiptare edhe i të majtës së hatërmbetur, dhe jo protesta, por revolucion 100 ditë me 100.000 veta të rrethuar Kryeministria dhe ministritë. Sepse një qeveri e zhytur në këtë lloj korrupsioni që është qeveria shqiptare, nga kryeministri deri tek drejtorët të cilët shkojnë çdo ditë në SPAK dhe janë të marrë të pandehur (avokati e di, mbi 500 janë në hetime, mbi 200 të pandehur), normalisht në një shtet demokratik i pari që do të jepte dorëheqje duhet të ishte kryeministri. Kryeministri i Shqipërisë dhe qeveria shqiptare nuk e njohin institucionin e dorëheqjes. Atëherë ka një formë tjetër.
Pra, opozita duhet të bëjë të paktën siç bëhet në Serbi, që të detyrojë të ulet me kamp në tokë kryeministri i mazhorancës, të mos e injorojë opozitën duke mos shkuar në parlament, duke mos shkuar në interpelancë kur e kërkon opozita, po qenë të deleguar një ministër për marrëdhënie me parlamentin apo një tjetër. Injorimi i opozitës. Një kërcënim që i bëhet drejtësisë. Dy, nuk po zgjatem te të tjera, është injorimi i demokracisë dhe i pluralizmit. Në këto kushte, opozita duhet të ndërtojë një strategji të re për reformimin e Partisë Demokratike, pajtimin, një Kuvend Kombëtar të unifikimit dhe pajtimit dhe të bashkimit, ndërtimin e urave të bashkëpunimit me ato parti që nuk kanë lindur nga Partia Demokratike. Le ato parti që kanë lindur nga Partia Demokratike le të ofrohen si fraksione me mendim ndryshe brenda parashikimit që ka statuti i Partisë Demokratike. Kam mendimin që do ketë sukses më të madh.