Një burrë në Luiziana është akuzuar për përdhunim pasi dyshohet se ka sulmuar s&ksualisht një mike të tij pasi ajo refuzoi ta lejonte të pinte qumësht gjiri.
Sipas të dhënave të burgut të Ouachita Parish, Cecil Fuller përballet me akuzën për përdhunim në shkallën e dytë.
Nuk dihet ende nëse ai ka dhënë një deklaratë mbi fajësinë ose nëse ka angazhuar një avokat.
Mediat lokale KTVE dhe KNOE raportuan, duke cituar procesverbalin e arrestimit, se Fuller i kishte thënë viktimës – e cila kishte lindur dy javë më parë – se dëshironte të pinte qumështin e saj të gjirit.
Gruaja, e revoltuar nga komenti, kishte lënë dhomën dhe i kishte bërë të qartë se nuk ishte e interesuar.
Sipas policisë, Fuller më pas e ka përdhunuar, por ka ndaluar pasi ka dëgjuar të qante foshnja e saj. Viktima ka treguar se ka qenë mike me të pandehurin për më shumë se 10 vite dhe se ai kishte shkuar në banesën e saj në West Monroe rreth orës 04:30 të mëngjesit të ngjarjes.
Sipas të dhënave të burgut, arrestimi i Fuller u krye të martën, më 5 gusht.
